Kitobxonlik_festivali

? NAVOIYDA “KITOBXONLIK FESTIVALI” O‘TKAZILDI

• 

?Bugun, Maktabgacha va maktab ta’limi vazirligi huzuridagi Navoiy viloyat bolalar kutubxonasi tomonidan aholi o‘rtasida kitobxonlik madaniyatini shakllantirib, ularning kitob mutolaasiga bo‘lgan qiziqishlarini oshirish maqsadida Navoiy viloyatida “Kitobxonlik festivali” bo‘lib o‘tdi.

? Ushbu festivalda Viloyat Maktabgacha va maktab ta’limi boshqarmasi, Navoiy viloyat bolalar kutubxonasi, barcha viloyat Bolalar kutubxonalari mas’ullari hamda kitobsevar o‘quvchilar va ota-onalar ishtirok etishdi.

?Festival doirasida bugun quyidagi kitobxonlik ko‘rik-tanlovlarining g‘oliblari taqdirlandi: ?

✅“Eng kitobxon maktab”
✅“Eng  faol kitobxon oʻquvchi”
✅“Ijodkor bolalar”
✅“Eng kitobxon oila”
✅“Eng faol kutubxonachi”

? Ushbu yo‘nalishlar bo‘yicha o‘tkazilgan kitobxonlik ko‘rik-tanlovlarida jami 20 000 nafarga yaqin o‘quvchilar qamrab olinib, 30 nafar g‘olib o‘quvchilar taqdirlandilar.

? Festival davomida yangragan kuy-qo‘shiqlar barcha ishtirokchilarga bayramona kayfiyat bag‘ishlab, festival tom ma’noda ko‘tarinki ruhda o‘tdi.

✅ Navoiy viloyat bolalar kutubxonasi Matbuot xizmati